ماشاورت حالي



حبّيت ما حبّيت ما شاورت حالي

بيدقّ باب البيت ميّة مرّة قبالي

وبحسّ إنّي بروح، أو ما بروح، عدت بقيت

رايحة جايي بالبيت طاوشني خلخالي

 

منحوس مش منحوس اللّي حظّو متلي

مش يعني اللّي تجوّز بكّير أكلة

بتتمّ ما بتتمّ، منّو همّ، كلّ الهمّ

إنّو يخفّ عنّي النّقّ مَعْهُو النقّ أو أهلي

 

يا ضيعانو .. يا ضيعانو يا ضيعانو

شو كان منيح .. شو كان منيح بزمانو

 

لَشو تقنعني بغرامك فيّي

ما الكذب متل الشّمس بتشوفو من الفيّة

كذّاب مش كذّاب، ردّ الباب، هلّق بس

إخفِ الحسّ ليك النّاس كيف جمّعتا عليّ

 

قلتلّي القناعة هي كنز ما بيفنى

وقنعنا بكّير وقدّ ما قنعنا تلفنا

كلمات أغاني فيروز
fairuz.lastown.com

ما عرفنا إن كان بتفنى، ما بتفنى

إبقى إن مرّة فضيت شرّفنا وعرّفنا

 

يا ضيعانو .. يا ضيعانو يا ضيعانو

شو كان منيح .. عَ علّاتو بزمانو

 

مفروض إنتَ تكون كلّ الوقت حدّي

مفوَّتني بطريق ما شكلا بتودّي

والكلّ معهن علم إنّو إنت كيف ما كنت

رغم القهر رغم الدّهر رغم المهر ما بدّي

 

يا ضيعانو .. يا ضيعانو يا ضيعانو

شو كان منيح .. شو كان منيح بزمانو