بكوخنا يابني



بكوخنا يا ابني بهالكوخ الفقير

والتلج ما خلّى ولا عودة حطب

والريح عم يصفر فوق منّو صفير

وتخزّق بهالليل منجيرة قصب

وقفوا ع شباكك يدقّوا العصافير

بجوانحن يا جوانحن المتشرنين

جايين يتلطّوا ع كِتْر الزمهرير

و رفيقك البلبل شو مشتقلك كتير

مخبّيلك بعبّو شي ميّة سوسنة

يا ابني

 

علوّاه لو فيّي يا عينيّي لطير

اتفقّدك يا رجوتي بعدك زغير

وعمرك وعمر العطر ما كفّوا السنة

وشو الدني يا ابني وشو طعم الدني

ان ما هبّجت وجّي بإيديك الحرير

 

شو الجرس هالحامل بشارة العيد

شو ألف عيد وألف قنّينة نبيد

صوتك الـ يتدحرج بقلبي وعم يضيع

كلمات أغاني فيروز
fairuz.lastown.com

نازل عن التلّة بهالوادي البعيد

حامل بإيد الصبح وبإيد الربيع

 

ومن يوم هالغيبة والله يسامحك

عم فرفط بهالفل عم قطّف ريحان

عم بستعير من السما أجمل لْوَان

وخرطش ع هالحيطان لنّو ملامحك

وهالقلب عم حفّو على جْرَيْن السرير

عم مرمغو بلعبك بمطارحك بفراشك

بريحة ريشات جوانحك

بغبرة حوافر حصانك هالزغير

يا ابني