يا هويدلك

يا هْوَيْدَلَكْ يا هْوَيْدَلِي
نارك ولا جَنّة هَلي

يا ساكن بْسفح الجبلَ
إنت الرجا وإنت الأملْ
غاب القمر حَلّك تصِلْ
من منزلك لمنزلي

تَيّمت قلبي بالنَّوى
ما عاد في عندي قِوى
لا بدّ ما فجر الهوى
من بعد لَيلو ينجِلي

يا ولْفي غيرك ما لِنا
يا رْفيقِنا بْليل الهَنا
حَيّد على بِستانِنا
رمّان عَ إمّو حِلي

اتْذَكّر هَوانا والسهرْ
في رَبعِنا بْضوّ القمرْ
واتذكّر بْفَيّ الشجرْ
شو قِلتِلَك وِيش قِلتِلي