يا حجل صنّين

يا حجل صنّين.. بالعلالي
يا حجل صنّين.. بالجبل
خبّر الحلوين.. على حالي
خبّر الحلوين.. يا حجل

يا حجل عَ الميّ.. إنتَ ورايح
زور هاك الحيّ.. رايح رايح
وجيب خصلة فيّ.. عالجوانح
لَهالراعي خْطَيّْ.. يا حجل

يا حجل وانزال.. عالبيادر
سابِق الخيّال.. إنت وطاير
وِانْ أنا عالبال.. حبّي خاطر
قلّو صرت خيال.. يا حجل

بَيتهُن عَ مطلّ.. هاك القاطع
عالدني بيهلّ.. بابُن واسع
وانا بدّي فلّ.. صوبُن راجع
وانتا وحدك ضلّ.. يا حجل