دبكة دوارة



أوف يابا أوف

دوّارة عالدوّارة.. دار الحكي

هجروا الأحبّة الحارة.. ليش البكي

 

دوّارة دوّرتيني.. سهل وجبل

تحت الندي نسيتيني.. وبالي انشغل

ما سألتي ما ذكرتيني.. وغيرك سأل

و انهدّت الياسمينة.. وعنقا تِكِي

 

دوّارة علّي داير.. صبح ومسا

وبفيّة الضفاير.. عمره انتسى

وقاسي يا هوى صاير.. ليش القسى

صبيّة شعرا طاير.. وملبّكة

 

دوّارة علّي قاصد.. يقطف حبق

وبإيام الحصايد.. قلبو احترق

قالت لي شفتك قاعد.. تكتب ورق

قلتلّا هالقصايد.. كلّن لِكِ