كلمات:
أسعد سابا
ألحان:
الأخوين الرحباني
مين دلّك بالهوى عَ بيتنا
مُرّ النوى بكاس العذاب سقيتنا
وما ربحنا بعشرتك غير الألم
حبّيتنا ويا ريت ما حبّيتنا

بس مين دلّك...

فرشنا طريقك ورد يضحك للدلال
وقلنا جمالك ما انشغل متلو جمال
وعملتنا زهرة غرامك والخيال
ورميتنا من بعد ما شمّيتنا
الله شو حمّلتنا قهر وضنى
انْ كان الغنى بالوهم هالقلب اغتنى
ما عاد مرق عَ بالنا طيف الهنا
من ليلةْ بْضَوّ القمر حاكيتنا

علينا انْ كنت عتبان لا تخفي العتب
من هالعدواة ما بيجي غير التعب
دلّيتنا عَ درب حبّك شو السبب
ضيّعتنا من بعد ما دلّيتنا
ليش تقهر قلب بيرفرف معك
شو ولّعك بغيرنا شو ولّعك
لوّعتنا بكرا الهوى بيلوّعك
بتعود تندم قدّ ما عاديتنا

كلمات أغاني فيروز - فيروزيّات

2006 - 2022

صُنِع بالـ♥