ما بزعلو

ما بْزَعِّلو يا ناس هالشبّ الحلو
ما بزعّلو حاجي عَليِّي تْقَوِّلوا
تطليعِتوا بتشلَحْ هَنا .. وتنهيدتوا ياللي لِنا
وقلبي اللي كتَبْتو إلو .. آه مابزعّلو

ما بزعّلو ولا بقول كلْمة تلوّعو
ما بزعّلو يا كلّ حسّادي اسمعوا
عندي عْيُونو بالدِّني .. ولمّا بْشوفو بغتِنِي
والحبّ بَعْدو بأوّلو .. آه ما بزعّلو

ومرّات بيلَولِح وبيميلو الهَوَى
وبتصير عَينو شارِدِةْ ومِش عَ سَوى
شو بقول بدّي ندّمُو .. وشو بقول بدّي علّمو
وشو بقول بدّي زعّلو .. أوف ومابزعّلو