كلمات وألحان:
زياد الرحباني
عندي ثقة فيكْ
عندي أمل فيكْ
وبيكفّيكْ
شو بدك يعني أكتر بعد فيكْ؟

عندي حلم فيكْ
عندي وَلَع فيكْ
وبيكفِّيك
شو بدّك أنّو يعني مُوت فيك؟

والله رح مُوت فيك
صدِّق إذا فيك
وبيكفِّيك
شو بدّك منّي إذا متت فيك؟

معقول في أكتر؟
أنا ما عندي أكتر
كلّ الجمل يعني عم تنتهي فيكْ

حبَّيتك متل ما حدا حَبّ
ولا بيوم رح بيحِبّ
وأنتَ شايفها عادية
ومش بهالأهمية
بجرّب ما بفهم شو علّقني بس فيكْ

بكتب شعر فيكْ
بكتب نثر فيكْ
وبيكفِّيكْ
شو ممكن يعني إكتب بَعد فيكْ

معقول في أكتر؟
أنا ما عندي أكتر
ما كلّ الجمل يعني عم تنتهي فيكْ

بتِحْكِيني متل طفل صغير
وهاملني كتير
لو شي مرّة صبحية
تفكّر تتّصل فيّي
قلّي شو يللي بيعلّقني بس فيك

عندي ثقة فيكْ...

كلّ الجمل والحكي والكلام فيكْ

كلمات أغاني فيروز - فيروزيّات

2006 - 2022

صُنِع بالـ♥