مشوار



مين قال حاكيتو وحاكاني

ع درب مدرستي

كانت عم تشتي

ولولا وقفت رنّخت فستاني

وشو همّ كنّا صغار

ومشوار رافقتو أنا مشوار

 

وقالوا شَلَحْلِي وَرْدْ ع تختي

وشبّاكنا بيعلاه

وشو عرّفو أيّاه

تختي أنا، وأيّاه تخت أختي

بيلفّقوا أخبار

ومشوار يا عيوني مرق مشوار

 

وقالوا غمرني مرّتين وشَدّْ

شوف الكذب لوين

مرّة منيح، اتنين؟

ولا ردّتو إيدي ولا هُو ارْتَدّْ

شو بيفضحوا أسرار

ومشوار شفتو وما رجع مشوار

كلمات أغاني فيروز
fairuz.lastown.com

 

كذبوا؟ مين بيقول كذبوا مين؟

مبارح بنومي بصرت

إني ع زندو طرت

والأرض مفروشة كلّا ياسمين

انْ صحّ الحلم شو صار؟

ومشوار جينا عالدني مشوار