كلمات وألحان:
الأخوين الرحباني
يا ميجنا ويا ميجنا ويا ميجنا
نسّم نسيم الدار لِفْيُوا حبابنا

يا مزينة بالعقد وبأحلى حلِي
كل ما كبرتِ كلّ ما حسنك حلِي
ويا كرم ياللي فوق عنقودك حلِي
نامت الريح بفيّتك نوم الهنا

ترى بعدك على عهدك وفيِّة
وما يشمت حدا فيكِ وفيّي
ويا كرم الهوى لوِّح وفَيِّي
عالحباب وعلى عيون الحباب

طلّي وحنّي عالعاشِق .. يا ستّ الدار
انْ ما طلّيتِ رح راشِق .. عالبيت حجار

بدّي عربش عالحارة .. فوق القرميد
حاكيها بالإشارة .. من بعيد لبعيد
بلكي إمّ الإسوارة .. الجايي من بعيد
بتوعدني بِشي زيارة .. بِشي مشوار

رايد ولّا مش رايد .. عالماضي تحنّ
يا قلبي وشوفك زايد .. خايف لَتْجنّ
متل زيز الحصايد .. بتضلّ تعنّ
تنظم عنها قصايد .. تحكي أشعار

ويومية الشمس بتشرق .. وشُوَيْ شُوَيْ
ربّي هالوردة وتفرق .. شعري بالفَيّ
ما بخلّي حدا يمرق .. عَ هاك الحَيّ
وغيري عالهِينِة بيسرق .. وردات الدار

كلمات أغاني فيروز - فيروزيّات

2006 - 2022

صُنِع بالـ♥