كلمات وألحان:
الأخوين الرحباني
عالزَّينو الزينو الزينو
في عشرِة بيني وبَينو
مهما يحكوا عن وَلِيفي
ما بخونو وحياةْ عينو

مَرجاتو خضرا ورِيفِة
نَغماتو حلوة لطيفِة
لفتات السِّحر الظريفِة
بتمُوج بْلَمحاتْ عينو

في إلنا لْيَالي طويلِة
بْروضات الحُبّ الظليلِة
بدّي شي نغمِة جميلِة
تتغزّل بِسَواد عينو

يا وِلْف انْ جيت لْحِمَانا
بتسعَد وبتعرِف وَفَانا
منغنِّي بليلةْ هَوَانا
عالزَّينو الزَّينو الزَّينو

كلمات أغاني فيروز - فيروزيّات

2006 - 2022

صُنِع بالـ♥