من كل قلبي بساعدك



روضك على كتف الجبل ما أبدعه

بيرف والنسـمات بترفرف معه

ولما على التلة بينشد معولك

ع نغمته طيور السما بيتجمعوا

 

من كل قلبي بساعدك يا غارس البستان

وين ما بيمرق ساعدك بتزهر الأغصان

 

حلـوة كتير جـنينتـك وغـصونها بتـلوح

طيور الهنا عن مرجتك ما عمرها بتروح

نسمات تقصد خيمتك حتى بحبها تــبوح

الله يديم لك همتك للغرس والعمران

 

بـكرا بينمى عندنا بســـــاتين وجنينات

وبيصير يرقص وردنا في مطلع النسمات

نحنا غرسنا بقصدنا الخيرات والغلات

و بكل قوانا وجهدنا للأرض والأوطان

 

من كل قلبي بساعدك يا غارس البستان

وين ما بيمرق ساعدك بتزهر الأغصان


شغلة.كوم