كلمات وألحان:
الأخوين الرحباني
قبل طيور البرّية .. قبل الحصادين
جَرّح الصبحية .. مَوَّالك الحزين

حبيبي ضيَّعني .. عَ حفافي الكرومْ
والهَوَا لَوّعني .. وتعبت من الهمومْ

ضيعتنا قريبِة .. تَعِي لْقَنَاطرنا
يا عصفورة غريبِة .. على بَيَادرنا
شو قلّك حبيبك شو وَصَّاكِ حبيبك

حبيبي قال انْطريني
بأوَّل الصيف
عَ بْيادر الصيف
وعَ الحقلة اسْبقيني

حبيبي قال انطريني
لمّا بيِجي الطير
وبيعشِّش الطير
بالسجرة الحزينِة

ونْطَرتك يا حبيبي
ورح يطلع الهَوا
وما الْتَقَينا سَوا
ولا شفتك يا حبيبي

لَوّحتني الشمس والهَوا قَصَّفني
يا خجلتي إنَّك تجي وما تعرفني

ويسألوني الناس
شو قلّك حبيبك شو وَصّاكِ حبيبك

كلمات أغاني فيروز - فيروزيّات

2006 - 2022

صُنِع بالـ♥