عالكرم انزلي

عالكرم انزَلي .. يا جارتنا
عنقودو حِلِي .. يا جارتنا
سَهَّروكِ كتير .. وغَيَّروكِ كتير
وضلّيتي إلي .. يا جارتنا

إيّام البيادر .. غنّينا سوا
كان الحكي داير .. عَ مْهَبّ الهوا
والتَقَينا .. واشتَكَينا
واشْتَلقوا عَلَينا .. يا جارتنا

تعبِتْ الرسايِل .. من حبر البكي
يا زهر الجدايِل .. لونَك ليلَكِي
وين بْخبّي .. هالمَحَبِّة
وبتضلّي بِقَلبي .. يا جارتنا

وبَعْدا هاليمامِة .. عالسطح بتجي
بحمّلها سلامي .. وبقلّا اكْرجي
أنا لافي .. من الحَفافي
تَ قلّك عَوافي .. يا جارتنا