- كلمات وألحان:
- الأخوين الرحباني
يا رايح عَ كْفَرْحَالا .. امْرُوق بسوق العنّابْ
في بنت بتنسى حالا .. هيِّة وعلى هاك البابْ
خَبِّرنا كيف حْوَالا .. يا رايح عَ كْفَرْحَالا
عَ شمالَك في دكَّانِةْ .. بتبيع مْغازِل صوفْ
وبنت بتقعُدْ سِهيانِةْ .. تنطُر تَ يْجِيها ضْيُوفْ
حلوِة والخصر بْيِلْوِي .. وما بتعرف إنّا حلوِة
لا تْفَوِّقها على حالا .. بلكي شْغَلْتلّا بالا
بتعرفها من عِينَيها .. بيضَلُّوا تعبانينْ
وتتطَلَّع عَ إيدَيها .. عَ خْوَاتمها الحلوينْ
قَرِّب خبِّرها عَنِّي .. بَلْكي زعلانِة منّي
واسْرِقْلي وإنت قْبَالا .. خيط زْغَيَّر مِن شالا
وِانْ كان حالِتْها حالِة .. وعَ رِيفا شفتْ دْمُوعْ
قِلَّا عِينَيها بْبالي .. وهَمَّا بْوُجِّي مزروعْ
وتحرقني هاك الضحكِة .. الْـ بَدّا تحكي وما بتحكي
يا خَوفي يْمِيل خِيَالا .. والبُعد يغَيِّر حالا
في بنت بتنسى حالا .. هيِّة وعلى هاك البابْ
خَبِّرنا كيف حْوَالا .. يا رايح عَ كْفَرْحَالا
عَ شمالَك في دكَّانِةْ .. بتبيع مْغازِل صوفْ
وبنت بتقعُدْ سِهيانِةْ .. تنطُر تَ يْجِيها ضْيُوفْ
حلوِة والخصر بْيِلْوِي .. وما بتعرف إنّا حلوِة
لا تْفَوِّقها على حالا .. بلكي شْغَلْتلّا بالا
بتعرفها من عِينَيها .. بيضَلُّوا تعبانينْ
وتتطَلَّع عَ إيدَيها .. عَ خْوَاتمها الحلوينْ
قَرِّب خبِّرها عَنِّي .. بَلْكي زعلانِة منّي
واسْرِقْلي وإنت قْبَالا .. خيط زْغَيَّر مِن شالا
وِانْ كان حالِتْها حالِة .. وعَ رِيفا شفتْ دْمُوعْ
قِلَّا عِينَيها بْبالي .. وهَمَّا بْوُجِّي مزروعْ
وتحرقني هاك الضحكِة .. الْـ بَدّا تحكي وما بتحكي
يا خَوفي يْمِيل خِيَالا .. والبُعد يغَيِّر حالا