كلمات وألحان:
الأخوين الرحباني
يا امِّي ما بعرف كيف حاكاني
كنت حدّ العين حيرانة
تركتو بقصدي روح بدّي روح
مدري شو حدّ العين خلّاني
يا امِّي ما بعرف كيف ما بعرف كيف

يحكي ويحكي وصرت إسمعلو
والحكي كيف كان طايعلو
صاروا الزنابق حدّنا يعلوا
لو ضلّ كان الورد خبّاني
يا امِّي ما بعرف كيف ما بعرف كيف

وغابت الشمس وخفت واحتدّيت
وما عدْت عَ درب الْـ لِنا استهديت
ما وعيت كيف ركضت صوب البيت
قلبي يدقّ وكنت فزعانة
يا امِّي ما بعرف كيف ما بعرف كيف

مبارح بعتلي محرمة هدية
سرّ وعطر أبيض وغنّية
ومتل اللي زاغوا هيك عينيّي
وحسّيت شي بالبال بكّاني
يا امِّي ما بعرف كيف ما بعرف كيف

كلمات أغاني فيروز - فيروزيّات

2006 - 2022

صُنِع بالـ♥