ايام العيد



بهالعيد بدّي قدّم هديّة ___ لا دهب لا ورود جورية

طالع عابالي ضمّ زهرة وقلب ___ وقدّمُن للعيد عيدية

 

يا عيد يا طالل مع الألحان ___ بالخير بزهور الهنا حليان

عالناس كلّ الناس وين ما كان ___ تشرق سعادة وشمس وضويّة

 

وبيوتنا اللي مشرّعة للعيد ___ فيها الألفة كلّ يوم تزيد

تنعاد ومواسم الخير تعيد ___ عَ بلادنا بألف غنّية

 

يا ربّي تزيد .. خيرك وتعيد

عالدنيي كلّا .. إيّام العيد

 

هلّت بشاير .. ماجت حراير

والطير الطاير .. غنى للعيد

 

وضويّة وزينة .. بسحرا تغويني

بدّو يلاقيني .. بيوم العيد

 

يا زنبق عالي .. بخصرو يلالي

ويموج قبالي .. ويرقص للعيد


شغلة.كوم