انشالله ما بو شي



خبرني عن اخباره

شو اخباره، انشالله مابو شي

كل مرة بصدف جاره

هيدا جاره، ما بيفهّم شي

 

بيحكي لي خبريات

وبيحكي عموميات

وبيبروم ساعة عالكلمة

ومابتطلع لي بالذات

و بياخذني و بيرجعني

و بينسيني

نساني والله نسيت....

 

و الدكنجي ما بيحكي

و اللي بالأول ما بيحكي

طالع لي جاره، هيدا جاره

إلا جاره ما بيفهّم شي

 

إذا بعرف عن أخباره شي خبرية

يا بيصيرلي شي

كلمات أغاني فيروز
fairuz.lastown.com

خبرني أنو جاره شو دباره

معقولة هالشي

 

بيحكي بين شفافه

و بيجاوب بكتافه

يعني الحكي مش متل الشوفة

فعلاً لو حدا شافه

 

بيتعبني و بينكد لي العيشة

بكاني والله بكيت

فجأة بيروح، بيسوح

لا إحساس ولا روح

لا ما بيسأل

لا ما بيعتل همي ولا لوعة روح

 

وعلى أهله ما معرفني

وعلى صحابه ما مشوفني

طالع لي جاره...

هيدا جاره أبداً ما بيفهّم شي..


شغلة.كوم