لا والله

يا ليل يا ليل

كلْمِة كلْمِة يا حبيبي تَ إفهم عْلَيْك
أو فتِّش عن غيري بيفهَم إذا رَحْ تبقى هَيْك
يكون بْيِحْكي بسرعة قدَّك ما يسمع عَلَيْك
بتشارِع ضيعة يا حبيبي وما بتقدِر عْلَيْك
بدَّك دولِة أو شي أُمِّة أو أكبَر من هَـيْك
يِمكن كوكَب أو شي أكبَر تَ يستوعِب لَيْك

وْلَكّ بسّ هوه هيه وَيْن بعلمي العقل كبير
مش سمّ وهمّ وغمّ وذمّ وقَدْح وتِشهير

بتحكي فوقي بحكي فوقَك شو رح نستفيد؟
صدِّقني يوماً عن يومٍ حَكْيَك عم يزيد
بتقِلّي بتضَلّي تعيدي وإنتَ الْـ عم تعيد
ومأكَّد دايماً مِن كلّ شي وما في شي أكيد
مبَشَّرني بأسعد مُستقبل ايه مْنَلُّو السَّعيد؟
هَوْ عشر عصافير عَالشجرة وما في واحد بالإيد

وْلَكّ بسّ هوه هيه وَيْن...
لا والله

يا رَيت بتعمل شِي عَلَناً كِلّو عَالسِكَّيْت
حاجي تْنَفِّخ دخنِة بوجِّي وْلَو بتدَخِّن لايت
كيف طلّ الوَرد بشبّاكي مع إنّو ما دِقَّيت
يا رَيت إنتْ وأنا بالبيت بسّ كلّ واحَد بِبَيت
فعلاً حلوِة هالغنِّيّة بس جدّ انسمَّيْت

وْلَكّ بسّ هوه هيه وَيْن...
لا والله

حَجْرة حَجْرة يا حبيبي منقدِر نبني بَيْت
زِرتْ الشارقة وقطر ومسقط جدَّة والكوَيْت
ورجِعْت منفَّض ولا قِرش مجمَّع ولا خبَّيْت
كرسي كرسي يا حبيبي مِن الحَيط للحَيْط
عازِم كلّ الضّيعة يا قلبي وما بيساع البَيْت
إذا ناوي بْهالشكل تأسّس رجّعني عَالبَيْت

وْلَكّ بسّ هوه هيه وَيْن...
لا والله

أنا كلّ اللّي عندي قلتو والباقي عَلَيْك
هِيْ كلمِة يا رَيت عُمرا ما عَمَلت بَيْت

يا الله